وتابعت الفنانة يارا نور الدين قولها: "لما تقرأ الفيلم على الورق، هتعرف إن الفيلم ده لما يجي يتنفذ على الحقيقة هتطلع حاجة جامدة جدا، خصوصا إن تيم العمل قوي وشغال على الفيلم بجدية وكل واحد شغال على الفيلم كأنه فيلمه لوحده".
وأضافت نور الدين: "بشكر المنتج حسني محمود لأنه عامل حالة في الشركة عنده للفيلم ده، لأن كل واحد شغال على الفيلم كأنه إنتاجه لوحده، بطولته لوحده، إخراجه لوحده.. وكل اللي في العمل متعاونين جدا مع بعض ومش مستهترين أبدا على الفيلم".
وأردفت القول: "في حاجات ممكن تقرأها على الورق، تحس إن الناس اللي كاتبه الورق مستهترة بالفيلم، أو معتمدة على الإخراج أو على التصوير، الفيلم من ورقه لحد الشغل عليه كل حاجة فيه قوية جدا، جدا".
وأوضحت في ختام كلامها: "الفيلم مختلف عن أي حاجة اشتغلتها وفرصة حقيقية بالنسبة ليا، والدور قوي ومختلف، وأظن أن الفيلم هايعجب الناس جدا، لأن الناس شغالة عليه صح، وقصته هايلة جدا.. وهنبدأ تصوير الفترة الجاية خلال أيام، ويا رب يعجب الناس وأنا واثقة من أنه هايعجب الناس، لأنه فيلم بيخاطب العقول أكتر ما هو حاجة تانية، وأتوقع أنه ينجح نجاح مختلف".
وشارك في بطولة الفيلم العديد من الممثلين والأسماء اللامعة، بينهم، الفنانون، منذر ريحانة، أحمد وفيق، وإيهاب فهمي، وعبير صبري، ومحمد عز، وهاجر الشرنوبي، وأحمد عبد الله محمود، والفنان حمدي هيكل.
يذكر أن فيلم «آل هارون» من تأليف أحمد أنور ومحمود جاميكا، ومن إنتاج حسني محمود، وشركته مومنت برودكشن للإنتاج الفني، وأحداث الفيلم تدور في إطار تشويقي مثير ضمن إطار جديد.
