وكتب تامر حسني عبر حسابه الخاص على موقع "إنستغرام" : "نهاركم جميل زيكم، من كام يوم نزلت بوست تحفيزي ليكم عن النجاح والحقيقه فرحت اوي من استقبالكم للبوست وسبحان الله حسيت ناس كتير كانت مستنيه تسمع كلام زي دا،، يا جماعه احنا في العصر الصعب دا بنواجه كمية حقد وغل وكراهيه وطاقه سلبيه مش طبيعيه".
وتابع بالقول: "لازم نرد عليها بالعكس، لازم يكون في طاقه اكبر بترد على كل الإحباط دا، والحقيقه ان انا عندي بعض الخبرات في الحياه من خلال رحلتي المتواضعه احب اوصلها ليكم، هحاول كل كام يوم اتناقش معاكم في موضوع او اقترح عليكم حاجه بعملها دايماً، هبدأ بحاجه بعملها باستمرار وعلمتها للمقربين مني ومواظبين عليها من سنين، وهي انكم حالاً تستحضروا ناس في دماغكم بتحبوهم وتدعولهم بأسمائهم في ظهر الغيب بكل اللي يتمنوه، وكل فتره نكررها ونثبتها زي ما بنثبت حجات تانيه في حياتنا مش بالاهميه دي ،، والله هتلاقوا تساهيل كتير حصلت مش هتعرفوا بتحصل منين يلا بينا دعوات".
وكان قد نشر تامر حسني عبر صفحته الرسمية بفيسبوك منشورا عن تعرضه لحقد كبير بالقول: "أنا كنت فاكر إن في وقت الشدة بس الواحد بيعرف الصاحب الحقيقي من المزيف، إنما اتضحلي إن في وقت الفرح أو النجاح بنشوف الناس الحاقدة اللي عاملين بيحبوك، بتشوفهم بوضوح أكتر، ملامح الحزن ممكن تتمثل بسهولة إنما ملامح الفرح مستحيل تتمثل، مهما عملوا بتفضل ملامح الحقد في عينهم واللي بيضحك إنهم فاكرين بسذاجتهم انك مصدق انهم فرحانين بيك، واللي يوجعك بجد إنهم من أقرب الناس ليك".
الجدير ذكره أن تامر حسني لبى حلم فتاة مصرية فقدت ذاكرتها، إثر حادث مروع ولا تتذكر سوى أنها كانت تحبه وتحب أغانيه، وتتمنى مقابلته وأن يحضر زفافها.
