إستقال رئيس مجلس الامناء جهاد بقرادوني، قائلاً في إستقالته:القصّة بلّشت من زمان،
حلم، قصّة تخطيط، قصّة مثابرة، قصّة شغل وتعب فيها ربح وخسارة، فيها طلعات ونزلات،
قصّة مسيرة بلّشت مع الراحل أنطوان الشويري وما رح تنتهي بنصف نهائي بطولة لبنان للعام ٢٠٢٣
الحكمة مش مجرّد نادي ولا مجرّد لاعبين وملاعب ومدرّبين وجماهير،
الحكمة تاريخ وذاكرة
الحكمة مقاومة ونضال
الحكمة متنفّس وأمل
الحكمة روح والروح ما بتموت
هالموسم كان أكتر من رائع، بكينا ضحكنا خسرنا ربحنا شتغلنا شجّعنا انتقدنا هنّينا المهم إنّو أنا والإستاذ نديم مراد عملنا ضميرنا تجاه تاريخنا وهالنادي العريق تجاه لاعبينّا ومجهودن الكبير تجاه جماهيرنا وروحن الطيبة ووفاؤن يلّي ما إلو مثيل
رجعنا من بعيد رجعت الحكمة الرقم الصعب رجع نادي الحكمة البطل يلّي بإنتصارو بهز الدني وبخسارتو بيتعلّم وبياخد العبر،
هيدي الرياضة ونحنا روحنا رياضيّة، المهم عطينا كل شي عنّا ومش مهم اللقب المهم الروح والروح رح تبقى تهتف حكمة
رح نترك مقاعد الشرف ونسلّم المشعل لغيرنا ليكفّي بهالمؤسّسة ونحنا راجعين نقعد عمقاعد الجماهير المطرح الأحب على قلبنا نلبس أخضر من لون الأرزات ونهتف معكن.. حكمة
