وأطلت دينا في فيديو على صفحتها الشخصية في "انستغرام" من داخل منزلها روت فيه تفاصيل حياتها خلال الفترة الماضية ،قائلة : "في الحقيقة أنا وحشني كل حاجة، وحشني أمشي في الشارع، وحشني السوبر ماركت، وكل حاجة وحشتني جدًا، أنا مش من عادتي اطلع لايف كتير، ولكن لاقيت الناس عمالة تتكلم أنا روحت مستشفى ولا عملت إيه".
وأضافت دينا التي شفيت من الإصابة بكورونا بقولها "فقلت لازم أطلع للناس اللي مهتمة تعرف أخباري، أطمنهم، أني بتعافى بعد ما اكتشفت أن النتيجة كانت سلبية، وطبعًا ده فضل ربنا عليه أني قمت بالسلامة، أدعولي أقوم بصحة أحسن، لأن الخناقة مع الفيروس ده مش تمام، وفيروس صعب وسخيف جدًا، وبتمنالكوا كل الخير ومحدش يجيله كورونا، وخلوا بالكوا من نفسكوا جداً".
كما أشارت إلى أنها كانت حزرة جدًا، وعبرت عن إصابتها بقولها :" بأنها رزق وراضية بيه، وزي ما بنرضى بالحاجات الكويسة، لابد نرضى باللي مش كويس"، وأكملت: "اتعلمت من التجربة دي إن في حاجات كتير الواحد بياخدها اه مسلم بيها، ولكنها نعم كبير، مجرد النزول والمشي في الشارع نعمة مش حاسين بيها".
وأكملت دينا أنها عندما شاهدت والدتها بعد أن كانت نتيجة المسحة سلبية أمس قائلة :"وأنا بشوف أمي حسيت إن في جايزة كبيرة، مش حاجة عادية، وشكرًا لكل الدعم اللي خدته، ولولا أصحابي وأهلي، ما كنتش خدت الدفعة الجامدة جدًا، اللي وصلتلها، لأن الكلام ده قومني من اللي أنا فيه، وأول حد بشكره أمي، اللى ما رضيتش تسيبنى ولا تسيب البيت، وفضلت قاعدة معايا طول الوقت، أنا اللي كنت خايفة عليها وهي ما كنتش خايفة".
يذكر أن الراقصة دينا كانت قد شكرت كل أصحابها مشيرة إلى أنها اختارت صح كل صديق لها، وظهر ذلك بمحنة الإصابة بالفيروس، وخصت الفنانة القديرة نبيلة عبيد على دعمها الكبير لها.
