نشرت الفنانة اللبنانية سيرين عبد النور عبر حسابها على تويتر، سلسلة تغريدات، شكرت من خلالها كل من دعمها وترك تعليقات ايجابية،بعد ما حصل مع ابنتها تاليا، لترد بالمقابل للناقدين وجهة نظرها بمحبة.
وكتب احد المتابعين في تغريدة عبر تويتر: "اذا الأهل "مشاهير او مش مشاهير"، وافقوا انو أولاهم يفوتوا بلعبة السوشيال ميديا ع اعتبار انها شر لابد منه.. المفروض على الاقل يخلوا حساباتهم تكون برايفت "للمعارف والأصحاب وبس" وتحت إشرافهم ويا دار ما دخلك شر، وع فكرة هيدا مش يعني قمع لحرية اولادكم المراهقين بالعكس هيك بتكونو عم تحموهم".
من جهتها، اعادت سيرين نشر التغريدة على حسابها وارفقتها بالتعليق التالي: "معك حق بكلامك بس لما يصير عندك ولاد بتعرف انو بعمر معين بصير عندهن شخصيتهن، وبتقلي انا بعرف دافع عن حالي وهي بنظري طفلتي لو قد ما كبرت.. وانا ببالي: يا ريت فيي خبيها وما خلي حدا يحاكيها".
معك حق بكلامك بس لما يصير عندك ولاد بتعرف انو بعمر معين بصير عندهن شخصيتهن، وبتقلي انا بعرف دافع عن حالي وهي بنظري طفلتي لو اد ما كبرت. وانا ببالي : يا ريت فيي خبيها وما خلي حداً يحاكيها ❤️? https://t.co/U1I3QSCJat
— Cyrine Abdelnour (@CyrineAbdlNour) May 7, 2023
