وقالت بسمة وهبة، في الفيديو "أنا من شهر كنت تعبانة جداً ومكنتش بعرف افتح بقي ولا بعرف اكل ولا أدخل شوكة ولا معلقة ولا حتة عيش ولا أي حاجة، وبعدين كنت بالصدفة موجودة في دبي ورحت لدكتورة شاطرة جداً وقالتلي ده Stress وعندك شلل عضلي وعندك العضلات بتاعتك في فكك مشدودة وعايزة علاج طبيعي وعايزة أدوية".
بسمة وهبة
وأضافت بسمة: "أخذت الأدوية وعملت العلاج الطبيعي والحقيقة لقيت مفيش أي تحسن، فأنا جيت رحتلها النهاردة وقلتلها مفيش أي تحسن فعملتلي منظار تاني، وكانت مستغربة وأنا قلت لها أنا معنديش Stress"، وتابعت "راجعت الدكتورة معايا لورا لحد ما افتكرت من أسئلتها إني عملت بوتكس وفيلر من شهر وفي حقنة اخدتها في الفك ودخلت على الأحبال الصوتية وهي اللي بوظت الدنيا كلها".
وختمت بسمة في الفيديو، "هحط خط لا عايز اتكلم مين اللي عملي كده ولا المكان وهو مكان محترم وكويس جداً وممكن أكون حالة حصلت غلطة، عايزة أقول بس للناس تاخد بالها ويتقوا الله فينا ويكونوا حريصين وهما بيقربوا من المناطق دي، والدكتورة قالتلي مش عايزة صوتك يبقى عالي".
